註冊 登入



打印

熱門問題解答區-有關部份JB/購買/使用上問題(暫停更新)[NO iPhone 4]

熱門問題解答區-有關部份JB/購買/使用上問題(暫停更新)[NO iPhone 4] E-mail 此主題給朋友

[隱藏]
見成日都有同樣既問題出現,就一次過答晒佢.....咁大家都唔使打咁多字....
有錯or有建議請提出,準力配合~

Update@09/05/10 [02:28]: 更新解答及問題 in Part 1

有咩使用上既問題,請先睇睇以下既網站,睇睇有無出路,唔得先再問
引用:
實用網站~

有關唔同版本iPhone JB既步驟,都幾簡潔易明~
http://www.iphone4hk.com/jailbreak/

iPhone既網上簡單化說明書,大部份入們問題都係到搵到答案~
http://www.apple.com/hk/iphone/how-to/index.html#basics.introduction

iPhone詳細說明書...可down落黎睇...PDF黎既
http://manuals.info.apple.com/zh_TW/iPhone_User_Guide_TA.pdf
引用:
再次用大字重申...JB係用黎解除iPhoneOS限制,
JB有咩用?請大家唔妤再答為左用破解App~
JB係為左解放iPhone,換取自由....並非用黎犯法~
最後一句,小弟唔會阻止大家去破壞知識產權,因為e d係你地既選擇權利,
但請各位亦唔好將佢四圍傳播...將來既後果請自行承擔~
引用:
如遇任何其難雜症,請先用iTunes backup...
之後做一次回復(restore),睇下問題是否仍左...
諗唔到問題出係邊先出Post....唔使下下都話"死啦"
用得PDA就請習慣backup and restore e兩樣野...
個人update d...唔好再停留係當年既手機年代....
Part 1: Jail break篇----> 2樓
1. What is JB?咁個d咩RedSnow,UltraSnow, BlackRain, Pwn Tool, Spirit又係咩黎架?
2. 點解成日都聽到人話要解鎖(unlock),iPhone有功能被鎖?係唔係非香港機就要解lock?
3. 咁咩機先可以JB啊.....仲有unlock呢?
4. iPhone係咪一定要JB先好用?
5. 點知部電話已經JB左?
6. JB前有咩要準備同要做既....
7. JB後係唔係唔可以用iTunes同去官方app store down iPhoine app?
8. 咩係BaseBand啊?係咪同JB有關?
9. JB後係咪唔可以用iTunes?iTunes升級會唔會對JB左iPhone有咩影響?
10. 用BlackRain RC3 JB完後,wifi不能正常運作,點解決呢??
11. JB左之後,係唔係App store既收費app都會變成唔使錢?
12. "Blacksn0w"- 可解iPhoneOS 3.1.2 BaseBand,不論原裝or升級版OS,都可以用~~
13. 請問網友成日講既"半JB"、"不完善/不完美JB"係咩黎架?咁個咩41週又係咩黎?有咩關系?
14. 我現在JB左係咪將來我restore左部機/升級左我部機既OS版本就唔使再JB啦?
15. 咁如果JB左部電話會影響個warranty嘛?

Part 2: 購買篇---------> 3樓
1. 請問應該去邊到買好and會平d?仲有去"3"到買會唔會有唔同架部機?
2. 無咩錢,但超鐘意iPhone,一定要買,買水貨好唔好?水貨又指邊類機呢?
3. 買機時有咩要check?
4. 想分期,邊到得?
5. 唔同容量既iPhone係咪有機能or功能上既分別架?
6. 剛剛買返黎洗唔洗差10個鐘先啊?
7. 我部機有問題啊,去換機係唔係一定換翻新機!?
8. 哇,美國賣超平啊!賣USD99~299,點解唔去個到買啊!?平咁多~
9. 請問試水紙係邊架?盒機check過晒都無送既?係咪一轉色就會無左保養?
10. 有無方法知道部機係行貨定水貨?
11. 剛買左部機返黎,使唔使填d咩寄去保養or上網證記架?
12. 點解買左部iPhone返黎d容量無左1~2GB既?


Part 3: 使用篇---------> 4樓
1. 點解部機係聽筒旁邊有3個細圈既!?點解部機個Mon四邊有部份無顯示野既!?點解機底兩個窿得返一邊有聲既!?
    部機有問題!?收到次貨!?
2. 想羅返電話d相出黎,點做?
3. 點整電話鈴聲 or 轉收到msg個類既聲效?
4. 點解玩唔網上既game 如Facebook d game 仲有睇唔到網上既短片之類既野!?個上網app"壞"左?
5. 部電話經iTunes update FW or同步時,成日出錯,話"未知錯誤 [X]",點搞?
6. 咩係DFU mode啊?見網友成日講.....但又搵唔到邊到禁....
7. 點解個bluetooth send唔到野俾人既?搵到其他device,但無反應~
8. 請問係咪一定要用iTunes架?可唔可以放棄佢?
9. 入歌入戲可唔可以好似其他MP3機orPMP咁樣就咁拉去某個file咁啊?成日要轉來轉去好煩啊。
10. 有一堆戲想放入iPhone到,要點做?
11. 第一次用iPhone想將Sim card既contact copy去電話點做?咁我又可唔可以將iPhone既電話backup返去Sim card呢?
12. 請問除左手寫and拼音,有無其他中文輸入法可以用啊?
13. 無信用卡,但想down App store 既野,咁我點先可以整到個account啊?
14. 唔小心、錯手、刻意dele左個app,咁想down返係咪要俾多一次錢?
15. 有無方法去睇網上既影片呢~?
16. iPhone係咪只可以入 and顯示11頁 app?? 有無方法解脫?
17. 唔知咩事突然部機OS既字or圖都變到勁大個,好似放大鏡咁.....點搞啊?
Part 3: 使用篇---------> 850樓
18. 在ITUNES入面DETECT唔到IPHONE,但在我的電腦卻發現IPHONE為儲存裝置,點搞呢?


Part 4: 同步and備份篇---> #44@Page 3
1. iTunes將iPhone d backup放左去邊架?
2. 請問可唔可以backup SMS去Sim card,又或者backup去iTunes?
3. 換左部新or轉過第2部電腦黎用,我應該點去backup iPhone既野呢?
4. 將部電話駁去其他電腦既iTunes到,同步個時會唔會dele晒我iPhone裡面d 野,跟晒新iTunes資料?
5. 部電腦被KO,d歌/戲都無晒,可唔可以直接係iPhone羅返出黎呢?
6. 網友成日話既Shift+restore係咩黎架?
7. 想restore一個指定既backup or將舊iPhone backup整去新機點搞呢?


Part 5: 軟件篇----------> #77@Page6

1. Winscp,iFun Box,有咩用架?
2. 成日聽到人講"91",係咩黎架? 好用過iTunes?
3. Cydia係有咩用架?
4. 請問有咩第3方程式推薦啊係Cydia到?
5. JB係,最後一個step要簡裝"Rock" or "Cydia",兩個邊個好d啊?
6. 如何更改SSH root password?
7. 有無程式可以整iPhone既theme架?
8. iTunes為何物?點解要用佢?
9. Cydia loading data時出現"Wrong language code zh-Hant"~有無方法解決?
10. 想係iPhone玩MSN啊,但搵極app store都無一個叫MSN既app既?
11. 解決skype當裝左iAccess而跳出問題.....?
12. Down左個iBluetooth,點解用唔到既?
13. 如果我dele左個由App store down落黎既收費app,咁需唔需要再俾多次錢down過呢....?

[ 本帖最後由 tc3335 於 2010-8-6 06:26 PM 編輯 ]



回覆 引用 TOP

精選樓盤
Part 1: Jail break篇

1. What is JB?咁個d咩RedSnow,UltraSnow, BlackRain, Pwn Tool, Spirit又係咩黎架?

JB全名為Jailbreak,簡單黎講就係幫你部iPhone解開OS既限制,等你可以加入iPhoneOS沒有或非完整既功能.....
例: 改theme,加入輸入法,加入第三方(apple未認可)既程式.......
亦因限制被解除,非法既野同時都會出現....如可使用破解或Patched既程式.....

P.S. 現在好多人都會將JB同破解畫上等號.....但其實係錯既,
       JB既開發者一開始只係想將iPhone解放,令功能更完美....
       所以先叫做Jail break~ 請記住JB左唔代表一定要用老翻~亦唔代表JB左就用唔返apple原本既app同功能~

Redsnow= 3.0 ~ 3.1.2時所用既JB程式,由Dev-team開發,最耐歷史既JB工具~適合中手用~
BlackRain RC3= 3.1 and 3.1.2 用既JB+解鎖程式,亦係現時最簡單既JB程式,,最易合新手~
UltraSnow= iPhoneOS BaseBand 04.26.08用既解除Sim-Lock(解鎖)既程式,不過現在都轉晒新BaseBand,用Blackrain就得,可以不理了~
Pwnage Tool= 係iPhone既固件(firmware)自製程式,通過修改原固件檔案,做到升級自製固件時,JB埋+唔會升baseband (Mac用)
Spirit= 現時最新既JB程式,支援iPhoneOS 3.1.2 and 3.1.3,亦可用黎JB iPadOS 3.2,最重要係佢可以令3GS生產於09年41週後既機
          都得到完善JB,唔使再用blackra1n boot機啦當完全關機後.....

2. 點解成日都聽到人話要解鎖(unlock),iPhone有功能被鎖?係唔係非香港機就要解lock?

其實全世界既iPhone功能同預設既setting都係一樣,無話邊個國家會少左d某一部份野.....
(更正中國剛剛出個部被取消/隱蔽Wifi功能.....暫時只有中國咁特別)

大家所講既既"解鎖"係指對iPhone既Sim-lock解鎖,並非功能上解鎖......
咁Sim lock係咩呢,就係指種iPhone只能對某電訊商既sim card有反應....
換句話講就係除左個間電話公司,你用其他公司既sim card,電話都會話無network~

暫時無Sim lock既iPhone 3GS就只有香港,澳紐,意大利and 星加坡.....(據我所知~)
其他既,如果要係香港用,咁就要用解鎖程式黎事前解鎖啦.....之後先用到~

3. 咁咩機先可以JB啊.....仲有unlock呢?

現時所有iPhoneOS版本為3.1.3既2G,3G, 3GS都可以JB,不論行貨or水貨
但因為新iboot既問題....所以最近買既iPhone 3GS暫時會出現不完美既JB~
(不能關機,一關就要用BlackRain幫手boot機)
<----問題解決,請新iboot既3GS用新既Spirit黎JB就ok啦~
咁點樣先知部機係咪用新iBoot呢?咁就請睇睇http://www.iphone4hk.com/jailbreak/3gs/iboot.htm
仲有個簡單既方法就係睇機既S/N(序號) (NOT IMEI) 第3~5個字,如果係941打後,咁就90%都用新iboot~
不過最建議都係用check iboot方法最準確~

而解鎖部份,現在只支援OS 3.1.2既Baseband~,請使用BlackRain RC3同既Sn0w~
網友反應2G用BlackRain JB有不明問題出現,所以強烈建議2G既用家用返自制固件安全d^^

4. iPhone係咪一定要JB先好用?

其實e個係好個人既問題....就好似你買飯跟唔跟野飲一樣,需要就去馬,唔使就算啦....
有網友反應過JB會帶黎OS不穩定、新問題、食更電 etc. 因JB並非官方授權既野,
所以亦唔會有一大team人幫你test or Debug等等,問題當然會有機會出現,
但係咪個個人都出現,咁亦無人可以100%確定,最少我見好多網友話JB左之後出現既問題...
我都未有.....我女朋友個部都未有.....

5. 點知部電話已經JB左?

如果用BlackRain黎JB,咁JB完reboot個部機個時,就會有個blackrain icon出現,咁就代表JB已經完成....

如用3.0既用家用RedSnow、PWN Tool、Spirit去JB既,JB完應該會多左個app 叫cydia,見到就代表JB亦已經完成~


6. JB前有咩要準備同注意既野要做既....

其實都無咩,最緊要就係先將iPhone connect去iTunes,做一次backup先,咁樣確保所有setting同電話既資料,
都可以回復返嘛.....當然新機咩都無個時就唔使理~~之後請睇我上面頂講既links,跟住個step做就ok啦...
唔好話自己新手,對電腦唔熟....要人地捉住你隻手去做啊!我女朋友跟住個網,佢都JB到啊!

7. JB後係唔係唔可以用iTunes同去官方app store down iPhoine app?

當然唔係...JB只不過只係會解途OS既限制,唔會將iPhone原來既功能封鎖,就好似買X送Y咁,
原本既野你一樣得到,再加送多d功能。請放心使用iTunes~
另外app既問題....係上面已經講過...JB唔係for老翻既,所以一樣可以裝返官方down既app

8. 咩係BaseBand啊?係咪同JB有關?

BaseBand其實係iPhone裡面負責控制手機通訊既程式,所以佢只會影響解鎖(sim-lock)問題,同JB無關。
一但BaseBand被升級,暫時未有方法可以降回。當Baseband升級後,如未有對應新Baseband ver. 既解鎖程式,
咁就會導致不能解鎖。(自製固件不在此限)

9. JB後係咪唔可以用iTunes?iTunes升級會唔會對JB左iPhone有咩影響?

當然無d咁既事啦,JB後仍然可以iTunes管理、同步、更新、回復你部iPhone既。
咁我升幾iTunes會唔會對JB左既iPhone有影響呢?當然都係無啦,至少我現在用左咁耐都未試過出問題~

我諗大家聽到話唔好用iTunes既,應該係對方怕唔小心開iTunes時禁到更新個掣,令到部iPhone升左上新OS ver.
令到短暫無法JB,而水貨就怕唔小心升左Baseband,令到解鎖失效者.....只要大家小心,唔好見到跳d咩msg出黎
都係咪禁左OK/yes,睇清楚先,咁就會少好多問題啦~

10. 用BlackRain RC3 JB完後,wifi不能正常運作,點解決呢??

請去設定->一般->重置->重置網絡設定..
通常都可以ok返....唔得既就睇睇係咪router有野set錯啦....

11. JB左之後,係唔係App store既收費app都會變成唔使錢?

當然唔係啦.....! 已經講過JB只係解除OS既限制....唔會對其他野作出修改....
網上所講既唔使錢版既XXXapp,其實都係某一d人將其破解or修改,令到app唔會驗證....
而 e d程式並唔可以從正常渠道羅到.....亦再重申一次,e d被修改or破解過既app存在住一定既危險....
因為我地唔知佢係修改既過程加左d咩,所以無人可以肯定會唔會被"加料",再加上最近已經發怖針對
JB左iPhone既病毒,再一次請大家慎重考慮風險問題........

12.
12. "Blacksn0w"- 可解iPhoneOS 3.1.2 BaseBand,不論原裝or升級版OS,都可以用~~

BlackSnow係現時最新既iPhoneOS解Sim lock既程式....開發者係同開發Blackrain既同一人....
Blacksnow可以係用BlackRain RC3 JB完,最後簡裝Cydia or Rock時見到....
如果你部係帶有Sim-lock既iPhone咁你就要裝埋啦....


sn0w現在支援最新OS既自帶baseband版本:
05.11.07
據網上某d用家講,佢亦同時將"網絡共享(internet tethering)"既隱藏設定都會顯示返(當並非使用指定電訊商時)
不過未能証實本人未能証實~~~
最後請注意...Blacksn0w只支援iPhone 3G and 3GS...2G用戶請使用自製固件or PwnageTool!!!!!!!
and 再重申一次: BlackRain系列係針對3G and 3GS去設計既,所以並無在2G上測試...
所以2G使用的話,可能會帶來不穩定and不能修復既問題....所以懇請2G用家,係升級前做足功課先好.....
以免錯手升級而先去正常功能~

13. 請問網友成日講既"半JB"、"不完善/不完美JB"係咩黎架?咁個咩41週又係咩黎?有咩關系?

半JB、"不完善/不完美JB"
都係指現時新出既iPhone因新硬件既問題,令到JB後,唔可以好似平時咁正常開機...
一但關機後,再開機,iPhone就會顯示一張叫用家連去iTunes既相......如果開返機就需要用電腦程式boot機...
各位網友就叫e 個做"半JB"、"不完善/不完美JB"
.

咁41週又點解呢.....?其實就係指iPhone係09年41週前新產......詳情點check就睇返Q3~
e個41週同半JB、"不完善/不完美JB"有咩關系呢......
就係咁既,經過世界各地網友既資料收集及綜合,佢地發現09年41週後所出產既iPhone都已經轉用新硬件...
所以就簡化大約check iboot ver.既程序,就咁check個生產week就算.....亦因
41週後既機轉左新硬件...
舊有JB程式所用既硬件漏洞無左,所以就做成

41週後既機出現"半JB"、"不完善/不完美JB"啦......

P.S. 再次重申一次,"
半JB"、"不完善/不完美JB"係由硬件做成,與iPhoneOS版本/用咩方法去JB無關....
      新既JB程式已經發表名為Spirit,可以令不完善JB既3GS,變成完善JB,支援OS 3.1.2 and 3.1.3
      新既3GS用家可以開心JB去~

14. 我現在JB左係咪將來我restore左部機/升級左我部機既OS版本就唔使再JB啦?

JB係一種程式上既破解,佢係靠OS既漏洞黎進行破解既,佢唔係一樣野只要你用過,佢就會整實係部機到唔走....
就以上既說話...只要你更新OS....咁舊有既OS漏洞就會被修正咁JB就會無效.....咁就要等新既JB程式去破解新OS既漏洞...
所以每次升級OS,你都要再JB一次....
而restore部機.....因JB講得簡單d,可以算係一個插件咁附加係個OS到,所以你一restore部機,既然連個OS都清空埋啦....
咁個JB又點會仲係到呢......記住restore係指成部iPhone既所有野清除,之後再裝過個OS落去......
所以都要JB過架.......

P.S.  只要你了解咩叫做"軟解",咁你就會仲快明d添.......

15. 咁如果JB左部電話會影響個warranty嘛?

跟據Apple既用戶條款,所有非認可既對產品作出硬件or軟件上既修改,都已經當係破壞使用條款,
所以JB係例入官方不認可既,所以如果Apple發現你既iPhone JB左就會立刻記錄在案,終置對該產品既保養....
不過唔使怕,因為JB只係軟改/OS上既改動,所以只要經iTunes回復(restore)部機,咁就會無晒Jb過既痕跡...
上維修中心前記得要restore啦如果你有JB~~

P.S. 簡單黎講,只要你重裝一次電腦既Window就無人知你之前係裡面搞過d咩架啦....
       原理就係一樣啦....^^ (陳生事件例外~)

[ 本帖最後由 tc3335 於 2010-5-9 02:29 AM 編輯 ]



回覆 引用 TOP

Part 2: 購買篇~

1. 請問應該去邊到買好and會平d?仲有去"3"到買會唔會有唔同架部機?

其實apple既所有產品都係公價,去邊到買價錢都會一樣,e個係apple既作風
(鬼機,山寨,水貨,信用卡優惠或某公司提供回贈例外)
可以買到既地方請參考以下官方link~
http://www.apple.com/hk/iphone/buy/

咁係"3" 買既機會唔會唔同呢?
功能同出面買既一樣,只不過係要上台出機者.....

亦有朋友反應過去美國買可以平d,因現在有非簽約機賣(USD$8XX for 32GB).....
我唔係美國,所以不能考證,不過加國既朋友同我講,無錯係無合約,
但一樣有sim lock,計返HKD,無錯係平左幾百(32GB版好似再平多d)
不過換黎既係解鎖既煩惱同無保養.......

2. 無咩錢,但超鐘意iPhone,一定要買,買水貨好唔好?水貨又指邊類機呢?

水貨機被定為所有非香港經銷商分派既貨源,講單講就係由其他地方引入既貨,個d先達話咩美版、澳版 etc,都叫做水貨,
通常佢地都會無本地保養服務 and 附帶SIm-Lock(無Sim-Lock版既水貨機list上面有講)
其實本人最唔建議,事關要用就要解鎖,他日iPhoneOS一升級,唔覺意、錯手、手多、手快、睇唔清,咁樣唔小心升級左OS
咁你就會有一段時間無電話用啦.....仲有假如電話出現問題,要去整,係香港就只好去先達,鴨記等地求救~~
咁你就要承擔一定風險會越整越衰 etc.

P.S 自認對電腦唔太熟及風險承擔能力低既網友更強烈建議買行貨~

3. 買機時有咩要check?

其實無咩可以check到,因為iPhone唔似其他電話咁一買即用,要先用Apple既程式"iTunes",去active部電話先可以用到內裡功能~
未active,只可以打999~~所以買當時最多只可以開盒睇下部機既外表有無問題,d掣好唔好禁咁,其他野就歸家慢慢試~

有網友表示係"3"買會代為active,如果係既話,咁就可以試埋電話等功能啦.....

P.S. 小弟某日亦見有人帶埋Netbook去試機^^a 大家如果3G手指,不防一試~~

4. 想分期,邊到得?

所有門市銷售都可以,差左收唔收手續費~~
網上既apple store都支援部份信用卡做免息分期,詳情以打去hotline,佢會send張form俾你填~
有朋友講話apple store都接受其他信用卡分期,不過要加錢,不過我唔確定,請網友幫我解話啦.....

5. 唔同容量既iPhone係咪有機能or功能上既分別架?

iPhone既機能同功能與容量無關.....有關既係3G同3GS 型號分別.....3G只有8GB版,3GS有16/32GB版...
3G既16GB版已經停產,市面上已經無得賣~
詳情請睇http://www.apple.com/hk/iphone/compare-iphones/
所以32GB既3GS同16GB既3GS只有容量既分別,其他功能一樣....

6. 剛剛買返黎洗唔洗差10個鐘先啊?

唔使,iPhone用既係鋰電(鋰離子電池 - Li-ion),鋰電無記憶效應,所以唔會話要先差滿電or放晒電,先好用。
所以個d sale話咩記得第一次用前要差10個鐘先好用啊....已經唔岩架啦...都唔明點解佢地咁"專業"都唔更新下d資料既...
自從鋰電面世後,上面個句野已經廢左啦....仲有大部份電子產品出廠時已經幫差左大約80~90%電,方便大家立即試用...
大家無需苦等啊~~

題外知識~
但鋰電有一個缺點係,佢既總儲電量係會慢慢流失,所以就算你唔用佢,就咁放係到,佢一樣會消耗。
仲有就係如果過度放電,亦會對鋰電既總儲電效能下降,所以大家最好唔好幫部電話放電去到幾%先差電,
最好2X%到就差返滿佢。 (以上資料係google搵到既....係咪亂吹,同信唔信得過,請自行定斷)

7. 我部機有問題啊,去換機係唔係一定換翻新機!?

據apple onlne store既規定,如買家係出貨後14天內發現部電話既硬件or OS有問題而非人為損壞既,咁買方有權致電hotline
要求換機.....過程省略......而係門市方面百記等等,就話有7日內包換保證,當然都係話非人為損壞啦。另外係3買呢,小弟就唔多清楚,
不過好耐之前有個post話好似都係7日內。

咁過左e段時間,咁大家發現部機有問題既話,咁就要上去維修中心啦。咁因apple既策略,除電腦外,iPhone及iPod等產品都以一換一既方法
去搞~當然唔會換過部新既俾你啦,如果唔係apple仲有錢賺既(年中不知有幾多人部機花左,就搵籍口換機),因apple會先收集一堆有問題既電話先整既...
所以apple唔存在放低部機N日,再話你知壞咩咁,而係職員check機,睇下係咪有咁既問題,確定左就收機換過部翻新機俾你。
之後所有壞既電話就會一次過送晒入廠維修有問題既部份,之後羅返出黎俾大家去換啦.....

AUS Apple store 既staff同我講,所有既翻新機裡面壞既部份、機殼、電池都會換過新既,之後會做送出廠testing,先會再羅返出黎俾大家用。
據朋友A話,翻新機無原裝既包裝盒,只有一層同新買個時用黎包住部電話既膠包住,不過個樣同新既一樣,
所以大家千萬唔好以為翻新機,只係好似2手舖咁執執個樣就羅返出黎啊。啊!仲有職員話翻新機只會for換機用途,唔會重新包裝出售.....^^

P.S. 如果你對翻新機一詞比較敏感and抗拒,咁你就千萬唔好去維修中心整電話啦......

8. 哇,美國賣超平啊!賣USD99~299,點解唔去個到買啊!?平咁多~

如果真係咁,點解全世界既人唔去晒美國買呢? 無錯,出機價直係好平,但要連24個月合約既,而且d Plan都幾水魚、搵笨價....
當然如果有朋友or親戚肯幫你做水魚既,咁你就去馬啦^^....但我重申一次...美國機係有sim-lock既...係香港用就要解鎖,
一但你錯手升級OS,有機會被煩一段日子,仲有並無保養保障(當然你寄返美國整就唔計啦)~

P.S. 有網友提出買機後毀約,但當地朋友已經証實,係要俾返N個月既月費+手續費,所以最後經過一堆煩死既野之後,
       你可能都係慳左幾佰蚊HKD~~總之值唔值請大家自己去衡量~

9. 請問試水紙係邊架?盒機check過晒都無送既?係咪一轉色就會無左保養?

試水紙係已經內置機內,並非一張紙咁放係盒到。位置如下:
http://support.apple.com/kb/HT3302

一但遇水會變紅,如果變左紅,維修人員就會判定你部機受過水既影響,咁就會當部機以人為損壞.....
亦會當場記錄在案,部電話即時失去保養。

據好多網友所講,張紙好衰,就算無倒過落水都不知不覺變色,到最後話想整機先發現.....
不過我個次去滑雪,室外-4~0度,室內2X度,部機一入屋就成層霧水,我個次都好驚會中招,
個連續咁樣4日,到最後一日落山歸家,check過都無事喎......所以究竟係咪網友講得咁易中招呢?
真係無法証實。

不過都係建議大家,落雨時小心,打波時放返入背囊or袋,去完廁所手未乾就唔好用住(唔洗手者可免~)
仲有小d去用住手包住個dock位同headphone喔....

10. 有無方法知道部機係行貨定水貨?

每個國家既iPhone都有自己既產品編號....就好似香港既iPhone 32GB white係MC134ZP/A, Black則為MC133ZP/A
但在澳洲既機就係32GB white= MC134X/A, Black= MC133X/A
詳情請去各國既apple online store就可以查到.....如果編號並非同香港store既一樣,咁就已經唔係行貨啦....
暫時網上面亦無人講e個編號可以改.....
仲有就係打去香港Apple Hotline,問問你想知個部機既S/N有無記錄啦....
如果有就者係行貨啦,無就係水貨啦...

e個問既主要都係for 2手買家要注意....千萬唔好信人地話係行就行....(好朋友例外~~)
此方法對行貨既翻新機無效~

澳洲版32GB Black~~小弟既....



11. 剛買左部機返黎,使唔使填d咩寄去保養or上網證記架?

據我e邊既Apple Store職員同我講,佢話無部iPhone賣出時S/N and IMEI已經記錄左係佢地電腦....
有詳細購買資料,所以當要整時可以直接帶機上去就得啦....不過如果大家最好帶埋張單去,
以免發生d咩"突發"事件。

P.S. 另外如跟機配件有問題,請事前打個電話去Hotline問問有無得換先,以免白行一趟~~

12. 點解買左部iPhone返黎d容量無左1~2GB既?

其實係商家問題啦~為方便計算佢地會用1GB=1000MB, 1MB=1000Bytes
但因為電腦世界係用2進制運算方式 1GB=1 x 2^10= 1024MB ......etc.

咁例如一部16GB既機~
16GB(奸商標示)= 16*1000^2/1024^2=~15GB(真正電腦計算實用面積)
咁OS+基本app再佔5XX~6XXmb到~
咁真正可用空間就只有14.5~14.6GB啦~~

如果32GB機就大約只得29.XGB~~

[ 本帖最後由 tc3335 於 2010-5-9 09:55 PM 編輯 ]



回覆 引用 TOP

Part 3: 使用篇

1. 點解部機係聽筒旁邊有3個細圈既!?點解部機個Mon四邊有部份無顯示野既!?點解機底兩個窿得返一邊有聲既!?
    部機有問題!?收到次貨!?

個3個細圈係感應器黎既,部部都有,所以唔使怕~~
                                       
  • 接近感應器
  • 環境光線感應器

個Mon既邊係唔係完全顯示晒既,所有會見有條無野顯示既邊出現,係正常既~

最後e個可以話係最熱門既問題,亦嚇到唔少人
睇圖啦^^ 左邊個part


2. 想羅返電話d相出黎,點做?

其實正常,當你connect左部iPhone,Window就會跳個自動播放既視窗出黎,問你點做~
[PIC]
or 你去我的電腦就會見到有個iPhone icon,入去就會見到裡面d相架啦.....
[PIC]

不過有網友話就算update左iTunes,同用埋自帶既"Apple Software Update",都一樣唔得..
最後我發覺得Window既問題,研究左好耐都無咩成果.....最後只好用其他野幫手啦...
請大家去google搵iFunBox,佢可以幫大家過返d相出黎,唔使經iTunes^^,好方便易用,唔使煩~~

3. 點整電話鈴聲 or 轉收到msg個類既聲效?

鈴聲部份,其實方法係頂置post已經有講,不過都有點兒煩,
所以我就講另一個方法啦,就係用一個叫"iRinger"既程式...
佢可以幫你cut好首歌,同埋轉埋iPhone用既format,最後只要拉入去iTunes個list,
同步就ok啦~~

P.S 好多網友問咁可唔可以突破40秒限制~(網友6674提供)
      如果用iTunes同步呢,就唔得~就算係iTunes個list播到,同步完...電話裡面都唔會有個首ringtone~
      and個電話最多只響30秒,所以就算俾你過到,都無意思~當然,如果你like既都有方法做到~

轉效果聲個d,就涉及JB,因為無得就咁改,所以要JB後,用程式入iPhone既根目錄
取代原本個sound file先得~~教學如下:
http://tw.myblog.yahoo.com
(唔用PC suit~用91助手亦可)
or
http://www.w r etch.cc/blog/MCUDESIGNER/22589960

4. 4. 點解玩唔網上既game 如Facebook d game 仲有睇唔到網上既短片之類既野!?個上網app"壞"左?

因為iPhone唔支援Flash,所以有網友關於flash既部份都會顯示唔到~
而大多數網上小遊戲or影片播放器(Youtube例外)都使用Flash player既,咁所以就會用唔到啦...
咁有無方法解決?答案係暫時無,因為係OS既問題,只可以等apple去搞...
JB都無方法解決。請大家出街返工時就放低Facebook d野一陣啦....

5.  部電話經iTunes update FW or同步時,成日出錯,話"未知錯誤 [X]",點搞?

其實每個number都對應一個問題,所以我就唔一個一個咁講啦,如果唔係,打幾版都未講完....
請大家去google打"iPhone error [X]" or "iPhone 未知錯誤 [X]" X係個number,通常都搵到方法解決....
都係個句,點都試試restore先 and restart你部PC and iPhone....
再唔得,咁就上CS搵人幫你啦,不過如果JB左既朋友請先清左部機先去,唔係就會無左保養架啦~~
(仲有一個係,如果你部機買左唔過90日,apple有個電話支援服務,可以打去問問題既呢....tel:2112 0099)

6. 咩係DFU mode啊?見網友成日講.....但又搵唔到邊到禁....

DFU mode其實係用黎升級同restore你部iPhone既,用e個方法去restore既iPhone,裝完FW之後,就會咩都無晒架啦...
變返完廠setting,其實restore iPhone真正有2個mode,叫Recovery Mode and DFU mode,兩者都係用黎清機restore用既,
試過2個方法,restore出黎既效果都無咩分別(個人覺得).
咁現在就分享方法~
引用:
DFU mode:
先將iTunes connect住部電話,之後同時按著Power跟Home button 等到iPhone斷電後
默數10秒 之後放掉Power button 但是Home button持續按著不要放 等到iTunes跳出偵測到ㄧ台iPhone在恢復模式
(請注意: DFU mode整個過程都是全黑的不會有任何畫面出現)

Recovery mode:
先將iTunes connect住部電話,如果可以就正常程序去關機,唔得就同時按著Power跟Home button 等到iPhone斷電後
Power跟Home button持續按著 持續到白蘋果的畫面ㄧ出現 放掉Power button 但是Home button 持續按著
等到iTunes跳出偵測到ㄧ台iPhone在恢復模式為止 or iPhone出現連接iTunes的圖案咁就可以放手
(請注意 Recovery mode會出現白蘋果的圖案接下來會出現要你連接iTunes的圖案)
7. 點解個bluetooth send唔到野俾人既?搵到其他device,但無反應~

iPhone既bluetooth係自閉既,唔可以send野or接收其他電話用bluetooth傳送file, only for hand-free~
我諗好多人會係網上搵到一個叫ibluetooth既app,聲稱可以破到,但只對2G & 3G 版本為2.2.1有效....
3GS and FW 3.0以上都唔work,所以iPhone既bluetooth仍處於自閉狀態~

8. 請問係咪一定要用iTunes架?可唔可以唔用佢?

當然唔係啦,用家可選擇用其他程式,不過如果無左iTunes既話你就active唔到你部電話,仲有upgrade唔到個FW~
不論用PC定用MacOS,iTunes都有提供對應版本,所以唔使怕話只有邊個OS先可以用。
國產有一個叫"91助手"既程式,佢係現時提供最全面功能既iPhone管理程式,iTunes有既管理功能佢都有,無既都有!
不過電話要先JB先可以用。暫時只有佢係可以代替到iTunes,其他都只可以話"協助"者。

9. 入歌入戲可唔可以好似其他MP3機orPMP咁樣就咁拉去某個file咁啊?成日要轉來轉去好煩啊。

暫時歌同戲都一定要經程式入iPhone既,就算JB左都一樣,如果覺得煩,解決方法就係買部PMP黎用......

10. 有一堆戲想放入iPhone到,要點做?

因iPhone只支援640 x 480 30fps既MP4,M4v,Mov檔,所以如果你想係iPhone到睇,咁就要先上網搵程式,
去將d Rmvb, Avi, wmv等等既format轉晒做MP4先.....提供以上功能既程式好多....
Window: WinAvi, 格式工廠, MediaCoder iPod Edition等等...
MacOS: PEnGUIn
至於點用,大家就自己睇睇啦,不過記得個setting一定要below 640x480 30FPS,
如果唔係入到iPhone到會出現有聲無畫既情況。
轉好檔之後就好似同步音樂咁拉去iTunes個資料庫到,then tick返要同步既影片,咁就ok啦

P.S 因iPhone and iPod好似未支援影片playlist,所以係iTunes到就算你set左個playlist裡面放左幾套戲,
      當同步完,你會發現戲係入左機,但無個張Playlist出現既,唔現now得返未?
      所以唔使怕話做錯咩step,只係唔work者.....

11. 第一次用iPhone想將Sim card既contact copy去電話點做? 咁我又可唔可以將iPhone既電話backup返去Sim card呢?

iPhone現在可以由Sim card取出電話號碼,步驟如下:
設定-->電子郵件/聯絡資訊/XXX-->輸入SIM卡的聯絡資訊
咁樣iPhone就會將你Sim card有既numbe都copy出黎架啦....

而另一方面,唔好意思,iPhone整時未有提供e個功能....者係話唔係可以將contact複制返去sim card到既....
就算JB左,or app 都未有方法可以做到,大家就請乖乖地去電腦到做backup啦~~

12. 請問除左手寫and拼音,有無其他輸入法可以用啊?

如果係官方既話,答案係無既....不過app store有提供一d以"copy and Paste"既輸入法軟件可以暫用,不過用超黎比較煩....
不過JB後就可以直接加入輸入法,個App 名叫做iAcces ,係一個好好既輸入法程式,有倉頡、速成、T9等....
當然好野就唔係免費啦,要1百個大洋既.....^^ 另外亦有免費既選擇啦,不過暫時只有提供倉頡, 個名叫iCoat, or iKeyEX

P.S. 總之NO JB, NO TALK~

13. 無信用卡,但想down App store 既野,咁我點先可以整到個account啊?

整既方法請參考下面個link~e個方法用係申請其他國家既account都得,不過地址個欄記得寫返當地既地址啊!
-------> http://www.iphone4hk.com/itunes/
如果要其他國家既,請先簡左你想要既國家,之後先開始步驟.....
切請,app store account係邊個國家申請就只可以用返係果個國家既store~

P.S. iTunes 9.0既選國家既地方唔同左....見下~


14. 唔小心、錯手、刻意dele左個app,咁想down返係咪要俾多一次錢?

當然唔係...App Store會有晒每個iTunes account既購買資料,只要你買過app,佢就會記錄低~
只要網友用返你買過野既acoount login返去App store,咁你就可以再次下載過你買過既app~
仲有就算個個程式將來update左,網友亦可以重新下載,都唔會話再收多次錢~

15. 有無方法去睇網上既影片呢~?

之前都講左啦,iPhone既OS係唔支援Flash既....暫時亦無方法可以解決,不論裝app or JB後,都無方法....
網上大部份既影片播放方式多數以Java or Flash播放器去做.....所以就睇唔到啦....(除Youtube外)

16. iPhone係咪只可以入 and顯示11頁 app?? 有無方法解脫?

係,iPhoneOS最多只可以顯示11頁....但超過左呢,佢都會繼續入,咁11頁之後無顯示既app點用啊??
咁你就要係Seach功能打你要app既名,之後搵返出黎再click啦....

不過JB後有個app,可以係你d app 放係唔同分類到,咁就可以解決版面問題....

另外一個偏方呢,就係網上搵到既....我呢就未有咁多app可以整到11頁啦,所以試唔到...
好奇既朋友可以一試.....我就咁睇黎,應該對OS無咩傷害
Link---->http://funiphone.pixnet.net/blog/post/29282561
用左以上方法既就唔能夠用iTunes9.0既整理App新功能黎整理頁面~~注意注意~

17. 唔知咩事突然部機OS既字or圖都變到勁大個,好似放大鏡咁.....點搞啊?

暫時只知道某部份用家JB完,裝過某d野之後reboot機就變成咁啦....
只要去設定--->一般--->輔助使用--->縮放--->關
咁樣就ok啦....


[ 本帖最後由 tc3335 於 2010-3-6 08:28 PM 編輯 ]



回覆 引用 TOP

[隱藏]
無用 ga ... 根本 d 人懶到唔會睇人地 d 帖搵資料
你睇下剩係問人地上網訂機你地幾時會有貨
而家 d 機買左有無得 jb
呢 d 一連串問完又問講完又講的問題已經日日有好多個

你就算講完問題比佢地知佢地都係要你喂埋入口



回覆 引用 TOP

回覆 5# 的帖子

下次問就直接出link~~免煩~


回覆 引用 TOP

引用:
原帖由 tc3335 於 2009-10-31 04:07 PM 發表

下次問就直接出link~~免煩~
哈哈 ... 你呢舍提議都 ok
不過你唔知 d 人會唔明叫你講明 d 咩 ?



回覆 引用 TOP

回覆 7# 的帖子

最多copy埋者.....

仲諗住現在有google同yahoo咁方便,問題會減少....
原來問題仍然天天都多~~



回覆 引用 TOP

引用:
原帖由 tc3335 於 2009-10-31 04:15 PM 發表

最多copy埋者.....

仲諗住現在有google同yahoo咁方便,問題會減少....
原來問題仍然天天都多~~
問題唔係大家有問題去問
有邊個一出世咩都識
有邊個用一樣新野咩都識用
問題係而家 d 香港人好多都好懶
教佢 copy and paste 佢可以問你咩叫 copy and paste 同埋點樣 copy and paste
你話死唔死 ...



回覆 引用 TOP

回覆 9# 的帖子

[隱藏]
息怒息怒~~

大勢所趨~新手嘛人地~



回覆 引用 TOP

今日暫時諗到咁多......
如大家有問題,請跟post,我會盡力幫手,
加入新問題 and 解答~~



回覆 引用 TOP

提示: 作者被禁止或刪除 內容自動屏蔽
ching vgood.


副版主剩係識叫人找舊link,



回覆 引用 TOP

樓主好野~ 幫你頂一頂~
版主應該將呢篇野置頂~ 方便d用家 ~



IPHONE 3GS 16GB WHITE
SAMSUNG N120
PENTAX K100D , DA18-55 , DA50-200 , FA50.4 , AF-540 FGZ

回覆 引用 TOP

[隱藏]
千萬唔好置頂,太高啦,無人睇到

觀迎大家遇到類似問題,就copy and paste過去啦
得閒就頂兩下。

[ 本帖最後由 tc3335 於 2009-10-31 07:43 PM 編輯 ]



回覆 引用 TOP

 提示:支持鍵盤翻頁 ←左 右→
[按此隱藏 Google 建議的相符內容]




重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。