• 瀏覽: 7,783
  • 追帖: 1
+2
[隱藏]
引用:
原帖由 wahcli 於 2021-9-4 21:18 發表
這裡經常有人散播儲值卡的次序較上台卡低的見解,我就不敢同意有關說法,除了是上台客一種自我安慰的說法。
例如這裡亦經常有人批評某些公司的網絡差,經常load空氣,試問上台客就不會load空氣?load空氣是否都有次序可依?限速的上台客(例如21Mbps)的次序都比不限速的儲值卡高嗎?
另外,現在已經有5G了,又試問用5G儲值卡的次序亦會比用4/4.5G上台客低?有何方法判定?
誰人可以回話?
當年未有上網時,嗰間號稱全港至多人用嘅電訊公司,為咗賺多啲同兼顧唔同市場,創出唔同品牌出嚟,對應當時有新加入嘅競爭對手,用平價月費衝擊市場,網絡有優先從此而嚟,而呢個說法當然由有關公司傳出,等用貴價嘅客高人一等,俾貴啲都值得!咁實際係點呢?除非同一時間有電話接通,否則唔會存在咩優先次序,根本邊個接到就邊個通,而且要額外投資為班平客特登減低佢哋個接收優先?聽落都有問題啦,倒轉話提高貴價優先,感覺好似諗得通,實際根本唔需要投資,只要教育職員出口術就慳水慳力,咁成件事就順理成章,而且邊個咁得閒去測試?已經先入為主,大家用感覺代替咗理性了。當網絡未到上限就無優先,就算有,都係跟先後,真係同一時間打出?左右手總有少許唔同步,好難做到真正測試效果,既然如此,又使乜投資搞優先次序出嚟?成個局根本就係市場策略嚟。我記得當年都有人測試過,用兔仔台同十下十下比,結果咪就係無乜分別。

不過數據時代有啲唔同,手機係永遠上線嘅,做唔做到優先應該用程式就得,反而呢樣嘢有機會成立,不過現今數據計劃係分速度,兩個上台品牌sell各自客戶服務,儲值卡方面包括咗虛擬網絡,分銷商同網絡商財務安排反而有機會影響相關卡產品嘅表現就真,至於同一個阿媽而旗下上台同儲值卡產品有無優先問題?既然都無人做到100%嚴謹測試,繼續出口術呢啲無成本嘅做法,點會唔繼續?最緊要無人證明到根本有無優先,佢哋亦唔會篤爆個大話。反正超過網絡容量上限嘅,點分都唔夠,可以嘅話投資擴容比搞優先次序仲有用得多,當然對算死草嚟講,投資?繼續湊合用住先啦,親!

以上純粹推測,如有雷同,實屬巧合

BTW呢張大眾,會唔會好似現代嗰啲卡咁,用過咗FUP就有降速呢…..可能條款細則中有提都唔定…..



主題標籤 #csl
[按此隱藏 Google 建議的相符內容]